متنزلش من بيتك اليوم ده....خدلك اجازة و بالمرة متشتريش حاجة... خليهم يسمعوا صوتك يا عم الحاج و متقلش و النبي اصل مصالحنا هتتعطل... انت حزب وطني و لا ايه...هما طبعا اجدع ناس...بس لو كان عجبك حالك ده يا عمنا روح الشغل و بلاش تعطل مصالح الناس.... انما بقى لو خليت عندك دم و مرحتش و اتكنيت في البيت يبقى فيه امل ان اللحمة تدخل بيتكوا في يوم من ذات الايام.... مش بقلك انزل مظاهرات يا برنس.... بقلك بس زي ما انت طول عمرك سلبي خليك سلبي كمان في اليوم ده و علافهم ازاي السلبية بتاعتك دي تقدر تعرفهم قيمتك.... مش انت سلبي خلاص خليهم يشوفوا السلبية اللي على حق... بلاش تبيع اخواتك و تستندل يا باشا و تروح الشغل.... احترم نفسك و فرح عيالك بكيلو تفاح من اللي بيشوفوه في التلفزيون ده
هناك ١٦ تعليقًا:
لو الموضوع ده تم
يبقى فى خير
يبقى فى امل
لكن
مأظنش
مين طفى النور؟
حلو اوي
انا قررت ما اروحش الكلية رغم ان اليوم دا هيكون فيه حاجات مهمة بس تولع الكلية اصلا انا بكرهها
بس انا الصراحة مش ناوي أانتخ فى البيت فى مناقشة كتاب فى وسط البلد هنزل احضرها بدل ما اقعد من غير حاجة
عموما انا قلت لكل زمايلي وكلهم سابوني ومشيوا مقررين انهم لو مش هيحضروا الكلية تاني هيروحوا الحد دا نكاية فيا وفى الاضراب
شكلهم حزب وثني
ياللا مش مهم
فليذهبوا إلى الجحيم
تحياتي كتير
تشي
الله
عصيان مدني
اناوالله مستنيه من زمان
...........
بس هوه حد لاقي تمن كيلو تفاح
؟؟؟؟؟؟؟؟؟!!!!1
أنا خايف واللهى الشعب يتهبل فى دماغه و يبقى ايجابى مره واحده
دى تبقى مصيبه
ههههههههههههههه
يا ريت فعلاً يوم 6 أبريل ينجح و يبقى يوم تاريخى ان شاء الله
شكراً ليكى
تحياتى
يارب يا يمنى يجيب نتيجة والناس دة بجد تحس بينا ويارب الشعب يفوق بقى ويعرف يقول لا وان شاءالله خير
فرنسا باشا
منورة يا حاجة فرنسا و الله و الكافيه فاتورة كهربت زادت...يلا بقى ما كل الاسعار زادت
وانا اختلف معاكي و اظن ان الموضوع فيه امل...بس اقعدي انتي في البيت و متبعيناش في اليوم ده
مصطفى
يا اهلا يا اهلا....شرفت الكافيه و صاحب الكافيه...قهوة هنا يا ولد للزبون الجديد... مع ان القهوة غليت بس المعلم بردهه صاحب واجب... بس وجب انت كمان معاه يا باشا و متخرجش من بيتكم يوم الحد ان شاء الله
تشي باشا
باشا و الله باشا...اخيرا لاقيت حد بيحاول يقنع حد تاني انه يبقى سلبي في اليوم ده
احييك يا كبير
و بالرغم من ان المعلم برده وراه حاجات قد كده في اليوم و الله بس برده لازم يشارك الشعب مشاركة وجدانية
وابقى احكيلي بقى اللي هيحصل في وسط البلد
انا انسان
انتي معانا و لا مع الناس التانيين....
عصيان مدني ايه اللي جلية تقولي عليه...انت عارف قبلة مع العصيان ايه... ده معناه رحلة قصيرة كده خميس و جمعة لمكان كده هادي تاخدي فيه تان... وانا بصراحة معجبة بيا كده...
بقة كده تقوللي على المعلم انه بيشجع الكلام الهدام ده...اخس عليكي
على العموم... يا رب تبقي معانا في يوم الاجازة اللي هناخده يوم الحد ده... عشان نطلع شرم طبعا...امال انتي فاكرة ايه
شريف طلال
هو الشعب هيستهبل بقة ولا ايه... لالالا انا مش متعودة منه على حركات ندالة كده... وان شاء الله ربنا يديم السلبية نعمة...بس بلاش يحفظها من الزوال
وان شاء الله اكيد ناوي تكون سلبي انت كمان يوم الحد و لا ايه؟!
cpt.hi
ان شاء الله ربنا يكرمنا و نفوق و نصحصح من اللي انا فيه
اصلنا لو معملناش حاجة اليوم ده بجد البلد هتولع
و الله فكرة كويسة جدا
بس ان شاء الله هتننفذ امتى
كفراوي باشا
يا صباح الدماغ العالية
الاضراب ده بكرة ان شاء الله....هتشرفنا و لا مش فاضي و لا ايه نظامك
انا ايجابية ومانزلتش اهو لما نشوف ايه اخرتها....نورا
إرسال تعليق