انا طفل عندى اخ صغر لسه مولود وماما اختفت في ظروف غامضة ومن كام يوم جم ناس منعرفهمش لبابا وقالولوا تعالى عندنا هناكلك ونشربك ونعملك كل اللي انت عاوزه وهو راح معاهم وبعدين لاقيتهم بيقولولي من شوية ان بابا مات... بابا مااااااااات.... ان مش بشحت منكم حاجة... انا بس كل اللي عاوزه انكم تدورولي على اللي قتل بابي وتنتقموا منه...وانا بقى ربنا يتولاني برحمته انا واخويا الصغير.... وكل سنة و انتوا طيبين
امضاء
ابن الخروف اللي عندكوا في التلاجة
ابن الخروف اللي عندكوا في التلاجة
كل سنة وانتوا طيبين... بطلوا اكل لحمة كتير....طبعا ما العيد فرحة واكل لحمة واجازة وانتخة....انسوا الكلام ده خالص وراعوا شعور اخواتكم اللي نازلين الشغل من تاني يوم ومعيدوش اصلا
هناك ٢٠ تعليقًا:
ههههه .... حلوة :)
ا((لا مـؤاخـذة ))ا
فاصـل إعلاني :)
زورونا تجدون ما يسركم .
قائمـة من الكتب الأدبية والثقافية والفكرية المتنوعة للعديد من دور النشر
تحت سقف واحد، وبأسعار لا تقبل المنافسة
وعيد أضحى ...كويس :)
ابكيتني ايها الخروف الجميل واحزنتنى دمعتك
بس بالعند فيك احنا ما دبحناش خرفان احنا دبحنا عجل :P:P:P:P:P
صحيح العيد دا ملل اوى ويا ريت الواحد كان بيروح شغل احسن حتى من الشيتات والبروجكتس
ياللا تحياتى
تشي
Nice blog. I will keep reading. Please take the time to visit my blog & HAPPY A NEW YEAR
أحلى صباح على المعلمة يمنى ..
كل سنة وانتى طيبة والخروف الجاى قصدى العيد الجاى تكوني أحسن ..
أنا بضم صوتي لصوت الخروف الصغير المسكين ده وبندد بعملية اغتيال باباه ..
مبقاش فى أمان فى البلد يا رجالة ..
بس أنا عايزك تبلغيه يا يمنى إنى على العهد ومش هسيب الخونة اللى عملوا العملة الشنيعة دي ..
وعايزك تبلغيه رسالة مهمة جدا ، قوليله المعلم فنكووش بيقولك إيييييييييييه كلنا لها .. والتلاجة بتاعتنا مستنياك عشان تنورها العيد الجاي ..
ودعيني أنشد مع الشاعر اللى هو أنا برضه :
اللى بينفع بينفع نفسه .. حسن بسه خد الجنيه وصرفه على نفسه
--------------------------
كل سنة وانتى طيبة يا أجمل معلم ومتخديش على اللحمة وافتكري أفضال الفول والطعمية عليكي
عمر بوك ستورز
المعلم لا يقبل بنشر اعلاناته في كافيهاته
بس عشان خاطرك انت بس وعشان زيارتك الغالية للكافيه فهو موافق ياخد 6 الاف جنيه اول قسط من تمن الاعلان ويقسطلك باقي ال 100 الف على سنة بحالها
انشالله محد حوش
عشان تشوف غلاوتك بس
وكل سنة وانت طيب
تشي
ايه ده يا معلم...عجل بحاله...اللي اداك يدينا يا سيدي
اما بقى موضوع الملل فسيبوني عيله محدش يحوشني
ملل ايه يا عم...انا نفسي في الملل ده والنبي...شيتات وبروجكتس ايه اللي بتتكلم عليه....دي ايام العز كله والله... هقلك ايه بس...بكره لما تنزل تاني يوم العيد الشغل وتبقى الدنيا كلها رايقة عشان كل الناس تحت البطانية وانت نازل من 7 الصبح عشان رايح الشغل ساعتها بقى هتقدر الشيتس والبروجتكس دي اوي
الشبح المصري
منور يا جميل وابقى قول رايك بقى في اللي هتقراه
وكل سنة وانت طيب
المعلم فنكوش
يا مرحب يا مرحب...ايه يا عم انا كنت فاكرة مفيش حد هيقرا الكلام ده خالص في العيد والناس معيدة وبتفترس اللحمة ومش راضية تسيب الخروف الا لو صحي تاني وباس رجلهم عشان يعتقوه... بس الحمد لله طبعا انك منورنا
اما بقى الفول والطعمية يا معلم فانا وحياتك انت اكلتهم من تاني يوم واللحمة مجتش جمبها نوهائيا...بس عشان الحلفان انا عملت هجمة حرة مباشرة عليها اول يوم وعوضت ايام الحرمان المرتقبة في باقي ايام العيد واللي حسبتوا لقيتوا
يا عيني عليا....ملقيش معاك كام جنيه سلف وهنيالك يا فاعل الخير والثواب لله... والمعلم هيكون شاكر افضالك لو بداتلوا حملة تبرعات وهيقاسمك بالنص كمان
so nice idea
ya m3lema
kol sana o enty taeba
u r some kinda of variable writer
saluta 4 all of ur posts
أنا جييييييييييييييييييييييييييت
إيه يا شيخة ليه بس كده
يعنى تقعدى تهرى شبابنا تريقة وتقول زى الورد ويرفع الراية الوطنية ولما أجى أدعوهم لحاجة عليها القيمة تخوفيهم وتقولى سجن وعيش وحلاوة
طفشتى الشباب منى روحى منك لله
أه صحيح ده إنتى فكرك فكر إستثمارى ما هو طبعا
لو الشباب قام بدوره هتفضى القهاوى والكافيهات
طب هقدملك عرض بصفتى الرئيس القادم بعد كام قرن كده
هعمل تأميم لكل الكافيهات بصفتها قناة السويس الشعبية الشبابية ما عدا كافيهيك ده غير إن إجتماعاتنا السرية والعلنية هتكون فى الكافيه
ومش بعيد كمان أعمل كارنيه حزب جديد وفكر بنكهة القهوة الفاسدة قصدى القشطة اللى بتقديميها
بس ونبى يارب كافيهيك يبقى ملتقى الشبيبة كلاتهم من إسكندرية لأسوان ما تجيبى سيرة الحلاوة تانى هما مش ناقصين
* وأما بجد عما تكتبينه قصدى تقديمينه فى الكافيه فهو ممتع وشهى وأميز ما فيه إنه بنكهة الكلام الخارج سخن وطازة من القلب وبيعجبنى فى أغلبه وإن كان فيه أحيانا يعنى ريحة مش ولا بد قصدى ريحة المعلم المصرى العالم بكل شئ وبخفايا الأمور بس معلش كلنا فى بدايات شبابنا الغريرة مرينا بالمرحلة دى وأهو طيش شباب لسه بيكتشف مرارة قصدى حلاوة الحياة بفعل شبح مجهول مع إن الأشباح بريئة من مصايبنا براءة ذئب بن يعقوب
المهم مطولش عليكى عشان مش فاضى ورايا مهام رئاسية جسيمة لإنتخابات الرئاسة القادمة وأتمنى مايكونش فى كلامى حاجة ضايقتك كده أو كده
لأن بجد مدونتك رائعة العفوية شمروخة الشماريخ وذات نكهة خاصة و
يجعله عامر . . باى باى
كلاكيت تاني مرة
يصل ويسلم ليد المعلمة يمنى /
بصى بقا يا بنت يا يمنى أنا بقا راجل أصيل ومأصل وكل حاجة والعشرة مبتهونش زى ما قلتى غير على ( الناس اللى مش لطاف ) ؟؟؟؟ ... والفول والطعمية دول عشرة عمر يعنى أحسن من أوليمبك إليكتريك ..
وبالنسبة لموضوع الخروف بتاعك أنا مليش ذنب والله .. الموضوع وما فيه إنى لما دخلت المدونة بتاعتك وهو شافني مسك وداني وقعد بقا والنبى يا معلم فنكووش أنا عايز أحترف فى المدونة العالمية بتاعتك .. أصل المدونة اللى أنا فيه دي مش قد المقام ..!! وخلاص فاضله دقيقة وهيعيط فاضطريت تحت الضغط وزى ما انت عارفة قلبى الطيب بتاع محمد فؤاد رحت موافق ..
وبما إنك انت الوحيدة اللى عبرتينى وكتبتيلى تعليق .. ومتفهميش غلط الناس بتقرأ بس بتكسل تعلق أصل الناس بتوع مكتوب دول عاملين زيي كدا كسلانين على الآخر مش زى بتوع البلوج سبوت .. فأنا قررت إنك أتفضل وأتنعم وأتكرم عليكي وأمنحك وسام فنكوش من الطبقة العاشرة ..
وطبعا وسام فنكوش من الطبعة العاشرة دا شرف ليكي .. ولو شديتى حيلك شوية معايا وظبطينى وجبتى أصحابك يشوفوا المدونة ويسيبوا تعليقات ممكن أتكرم عليكي وأمنحك نجمة فنكووش .. ودي بقا مش لأي حد .. للناس الفناكيش بس ..
-----------------------------------
نورتي يا يمنى ..
mirage like
menawar ya m3alem w two salutes lik w le kol elnas el7elwa elly betnawarna fi el cafe elka7yan da
Egyptian ghost
منور يا سيدة الريس...وطالما فيها تاميم للكافيهات وكافيهي هو اللي هيبقى شغال يبقى نزل مشاريب هنا يا عثمان للباشا واتوصى في الشاي ابو فتلة يا ولد... شاي ربيع وحيات مش العروسة ولا حتى ليبتون... بس نبقى نعمل اجتماع كده عشان نظبط الاسعار بتاعة المشاريب...وانا عنيا ليك
وياريت بقى لو امسك وزارة الكافيهات وافضل قاعدة على قلب العب قد 20 او 30 سنة كده...والشعب هيلاقي احسن مني وزير كافيهات فين يعني... هاتلي اي معلم اشطر مني مش هتلاقي
بس برده انا عاوزة اعرف تقصد ايه بكلامك ان كلامي فيه ريحة مش ولابد؟؟
مستنية ردك يا استاذ ودفاعك عن نفسك
فنكوش باشا
بقى الخروف هو اللي جه معاك بكامل قواه العقلية؟!...انا هبقى اتصرف معاه على انفراد بقى
اما بقى موضوع الزباين اللي عاوزني اوردهوملك فانا موافقة طبعا... بس نتفاهم الاول على تمن الراس...يعني كل راس مش اقل من 250 جنيه اما بقى لو اخدت دستة على بعض شروة واحدة انا ممكن اعملك خصم كويس...طبعا عروضنا دي مش هتلاقيها في اي حتة تانية وانا كرماك على الاخر عشان ميبقاش نفسك في حاجة اهو
وهابي نيو يير
العيد خلص :(
:(
:(
بس لسة عندنا لحمة :)
الحاجة / يمنى
إيه موضوع الراس بـ 250 جنيه ده ؟؟
دا على أساس إنى طالب منك خرفان يدخلوا المدونة وللا إيه .. وبعدين انتى أسعارك غالية جدا وفى ناس بتوردلى بمبلغ أقل من كده .. لكن أنا عندي ثقة فى زباينك يا معلمة شردة قصدى يمنى ..
وبعدين أنا عايز آخد منك جملة بس يكونوا من غير قرون اللى يخليكي يا ست ..
وأنا اليومين دول بحتفل باليوبيل الخشبى لاستراحة فنكووش وعايزك تحتفلى معايا ..
تيجى تنورينى انتى والمعلمين أصحابك وكل تجار المواشي .. قصدى أصحاب القهاوى أصحابك والمشاريب عليكو طبعا ..
فى انتظار الرد ولو أنا مش موجود ممكن تسيبى رسالة مسجلة أو تتصلى فى وقت لاحق ..
سلام يا معلمة
sorry بس غلكت فالحروف
أول مرة أزورك بس البوست بجد مؤثر مووووووت عجبني اوي ابن الخروف اللي عندكم فالتلاجة دي دانتي خلتينيكنت هعيط بس معيطش عشان انا ما بدبحش ولا اكل خرفان هههههه
أنا جعت
العيد خلص بس محوشين لحمه
عن أذنك اروح أكل بقى
ههههههههههههه
تحياتى
سلام عليكم
:)
صعب عليّ أوي الخروف البيبي
أول مرة آجي هنا، بس عجبني البلوج دة، بجد انت لذيذة :)
إرسال تعليق