كان عندي فرخة
حلوة و سمينة
بتبيضلي بيضة و كانت لئيمة
و فيوم جه واحد انا معرفوش
و معاه عصابة مبيرحموش
خطفها مني...ناس مبيختشوش
قلتله هاتها
طلعلي مطوة و قلبها عركة
و طردني بره
و الفرخة فرحت...كانت عبيطة
عملتلوا هيصة... عملتلوا زيطة
و غاظت صحابها بالحرامي و كمان قدامي
مش قلتلكوا فرخة عبيطة
قًًَصره باضتله كل يوم
و هتبيع عيالها وقت اللزوم لجل الحرامي
مكًنتش حاسة بالمصيبة
لأ و الاكادة...بتبيض زيادة
و فرحانة بيهم
و الحرامي بيشتغلها
و هي هابلة زي خالها و بتدعيله
سنة و التانية
قامت في ثانية بثورة تانية
عاوزاني ارجع
اصل الحرامي طلع اناني و انا اللي اجدع
دلوقتي شوفتي يا ناكرة خيري
شكل زماني من زمن غيري
صبح الحرامي دلوقتي غول؟!
ما انا قبل منه ماكنت عاجب
فرخة صحيح معندهاش مخ
ايه رأيك في الفرخة دي يا اخ؟؟
حلوة و سمينة
بتبيضلي بيضة و كانت لئيمة
و فيوم جه واحد انا معرفوش
و معاه عصابة مبيرحموش
خطفها مني...ناس مبيختشوش
قلتله هاتها
طلعلي مطوة و قلبها عركة
و طردني بره
و الفرخة فرحت...كانت عبيطة
عملتلوا هيصة... عملتلوا زيطة
و غاظت صحابها بالحرامي و كمان قدامي
مش قلتلكوا فرخة عبيطة
قًًَصره باضتله كل يوم
و هتبيع عيالها وقت اللزوم لجل الحرامي
مكًنتش حاسة بالمصيبة
لأ و الاكادة...بتبيض زيادة
و فرحانة بيهم
و الحرامي بيشتغلها
و هي هابلة زي خالها و بتدعيله
سنة و التانية
قامت في ثانية بثورة تانية
عاوزاني ارجع
اصل الحرامي طلع اناني و انا اللي اجدع
دلوقتي شوفتي يا ناكرة خيري
شكل زماني من زمن غيري
صبح الحرامي دلوقتي غول؟!
ما انا قبل منه ماكنت عاجب
فرخة صحيح معندهاش مخ
ايه رأيك في الفرخة دي يا اخ؟؟
انا لا بكتب شعر و لا حاجة...بس تقدر تقول انى كنت مزنوقة في الكلمتين دول بقالى كام يوم و قلت اطلعهم بدل ما يجرالى حاجة....يعني لو الكلام عجبكم خير و بركة و لو معجبكوش يبقى كبروا دماغكوا و لا كأنكوا شفتوا حاجة...اصلي بجد لا بعرف اكتب شعر و لا حاجة و دي اصلا ملهاش علاقة لا بشعر و بزجل و لا بحاجة خالص...دي تسموها معلقة معلمية....
بس سواء عجبتكوا او لا...لازم تفكروا و تقولوا مين الفرخة و مين صاحبها و مين الحرامي
مستنياكوا بقى و اللي يعرف الاجابة يتصل على رقم 09999999 و هيكسب رحلة لشخصين شاملة الاقامة و الطيران للصومال عدل
بس سواء عجبتكوا او لا...لازم تفكروا و تقولوا مين الفرخة و مين صاحبها و مين الحرامي
مستنياكوا بقى و اللي يعرف الاجابة يتصل على رقم 09999999 و هيكسب رحلة لشخصين شاملة الاقامة و الطيران للصومال عدل
هناك ٣٠ تعليقًا:
لا بتكتبي شعر حلو بلاش تواضع
الفرجة بعتقد مصر
واحنا صاحبها
بس مين الحرامى :P:P:P:P
صحيح
البلوج بتاعى اتهاك عليه الجديد اهو
http://cheeeeez.blogspot.com/
تشي
انا جيت ارد الزيارة واشرب عندك شاي
من غير ولا معلقة سكر
فكرتك جميلة، والفرخة الهبلة، م هتفضل هبلة، دي كانت بتستعبط شوية، وهتعرف ان الله حق وترجع للعشة بتاعت صاحبها تاني
يمنى زوري البوست الجديد وسامحيني على اللي مكتوب فيه
إيه ده بس
أنا أول مرة اشوف كافيه سوبر لوكس
بيقدموا مع الشاي و القهوة شعر كمان
علشان القعدة تبئي لذيذة
على فكرة جامد جداً جداًً و سيفته عندي كمان
بس ليا تعليق
هي إزاي الفرخة لئيمة و هبله في نفس الوقت ؟
و كمان عتاب
إزاي الرحلة للصومال أنا من رأيي إن أثيوبيا فيها أماكن سياحية أكتر ( اصلي لسه مذاكرة جغرافيا بئي معلش )
و سلااااااااااااااام
بالعكس الكلمات حلوه بجد وبسيطه وتتحس كمان
اعتقد انى الفرخه مصر واصحابها احنا
بس للاسف هى كده دائيما مصر خيرها للى بيسرقها مش لولادها
والله يا يمنى حيرتينى معاكى
اول سؤال لما يتقال اسم الفرخة هو البيضة والا الفرخة ؟
المرة دى الفرخة بس مين
الفرخة هى اى حد يدى خيره للحرامى
زى مصر مثلا ده مثال بسيط .. لكن مين الحرامى ؟
ده السؤال الاصعب
ويا داهية دقى لو عرفتى الاجابة .. اصل الحرامى مش بيحب حد يقول عليه حرامى .. وحتى لو قلتى وقلنا هو برضه بيعتبر الفرخة والبيض والريش والكتاكيت من حقه .. اصلها برضو هيا اللى راحت برجليها واضح انها معجبة بأغنية اسمهان ( انا اللى استاهل كل اللى يجرالى .. الغالى بعتو رخيص ولا احسبوش غالى ) ده اللى هو احنا يعنى .. قال يعنى على افتراض اننا عليها غاليين اشاسا
عموما انا اتمنى افوز بالرحلة ولو للصومال على الاقل ما فيهاش سحابة سودة
عميق تحياتى
هدى
الفرخة هي المسئولة الأولى
دة رايي
ودة مش اسمه هبل
دة اسمه موت
مؤقت
لك تحيتي
الفرخه هى مصر (شعب مصر للدقه).
صاحبها هى الملكية وعهد الملك فاروق وأسرة محمد على.
الحرامى هو الثورة وزبانيتها وتوابعها اللى بتعانى منها الفرخه الى الان واشتياقنا لعصر ماقبل الثورة.
ده تفسيرى للكلمات, لو هو نفس المقصود بكلامك فعلاً.. يبقى احييكى كتيير لأنها قصة ضمنية قوية جداً.
تحياتى..,
حسام باشا صديق
انا شكلى هحبك و الله...مع انك زبون جديد نوفي لكن بجد و الله شكلنا كده احنا الاتنين على موجة واحدة
زباين الكافيه شكلهم كده عاوز يوديني في داهية...شكلهم حد موصيهم على الملعم و عاوزين يودوا في ابو نكلة...مع ان المعلم غلبان و لسه في عز شبابوا و عاوز يربي العيال و مش حمل بهدلة...انما تقول ايه بقى...زباين قليلة الاصل عاوزة تبيع معلمها عند اول محطة
المهم نتكلم جد شوية...اللي انت قلته هو ده اللي كان فعلا قصدي و مش عارفة الناس فهمت حاجة تانية ازاى...و كنت مستنية من الصبحية ان حد يلقط اللي عاوزة اقوله لكن كنت خلاص فقدت الامل لحد ما سيادتك نورت...انا مكنتش عاوزة اكسفهم بصراحة و اقلهم انتوا غلط...دول زباين المعلم برده و المعلم ذوق ذوق ذوق
المهم بقى يا باشا حضر شنطك لانك كسبت رحلة لشخصين على اول جمل...انا هروح احجزلكوا جملين درجة رجال اعمال بس انتوا خلصوا الفيزا بسرعة عشان متعطلوش القافلة P;
يمنى
ازيك
اتمنى بخير
بقولك البلوجات بتاعتى اتهاكت كلها وعملت يوزر جديد وبلوج جديد
ما تنسيناش بقي
http://how-am-i.blogspot.com/
تشي
->@ Youmna
متشكرين يافندم على كرم الضيافة .. وانا عاوز انتهز فرصة الجائزة العظيمة ديه .. واوجه الشكر لكل من ساهم فى تنظييم ونجاح المسابقة .. وعلى رأسهم السيد الرئيس راعى المسابقة والمتسابقين فى مصر .. والساده المسئولين نفر نفر .. والساده مديرى الأمن ومباحث امن الدولة لأتاحتهم الفرصه لينا فى التعبير عن رأينا و طبعاَ ماننساش عساكر الأمن المركزى اللى كانت ايديهم خفيفة المره دى :D
وماننساش الجندى المجهول فى العملية .. المعلم صاحب القهوة وهو مجهول لأن لم يعثر له على أثر من ساعتها.
بس للأسف انا مضطر اعتذر عن الجائزة لأنى فى الفتره دى هاكون مسافر فى رحلة عمل للكونغو الديمقراطية .. ممكن اتنازل واقبل بالمقابل المادى .. او اشتراك سنوى فى الكافيه :D
حسام صادق :D :P
يالهوى
ما بتكتبيش شعر ولا حاجة ؟؟؟
امال لو بتكتبى كنتى عملتى فينا ايه
دى جميلة اوى اوى اوى
بجد برافو عليكى
حتى فتحتى نفسى على الفراخ
هقوم كان فى ورك فرخة يتيم فى التلاجة هقوم اكسب فيه ثواب
هههههه
تحياتى ليكى يا شاعرة
الفرخه بتبيض بيض دهب ومن كل حته بس فى الف واحد مستنى البيضه مش بتلحق تنزل ع الارض
يلا حسبنا الله ونعم الوكيل
فكرتينى بالراجل اللى عنده مزرعةفراخ 22 فرخه وديك
قعدوا فتره ميبيضوش فطلع ليهم وحلف لهم لو كل واحده مباضتش بيضتين تانى يوم هينتف ريشهم
جه تانى يوم لقى 45 بيضه فقال فين الفرخه اللى باضت بيضه واحده لازم انتف ريشها فجه الديك وقاله استر عليا ربنا يستر عليك...........ههههههههه
تحياتى
علاء
هههههههههههههه ميه ميه يا موني جامد الشعر ده بس انتي الحراميه عشان هو ده عصرنا
حسام باشا
و انا من كافيهي هذا...اقصد من موقعي هذا اوجه اطيب التمنيات و التهاني لكل المذكورين اعلاهم و خصوصا خصوصا بتوع الامن المركزي عشان ايدهم الخفيفة دي...
و بخصوص المقابل المادي بقى فالمعلم مش بتاع ماديات و بيقولك الاشتراك السنوي جاهز يا باشا...بس على الله متجيش على طول بقى
احمد باشا
انت عارف ان اللي بيكدب بيروح النار... بذمتك ايه اللي حلو في الكلام اللي كتبته ده... ياعم قول كلام غير ده
اما بقى بخصوص ورك الفرخة اللي في التلاجة فاحب اعرفك انو كان تايه مني من يومين فياريت لو لاقيته تبقى ترجعه لصاحبه و تاخد فيه ثواب
علاء اللي عايش بس بيعيد نظر
منور اوى يا باشا... و جامدة اوى حكاية الديك دي... بتفكرني بالديوك اللي عندنا بالظبط....ششششششششش اوعى تقول لحد
جنجا
مية مية عليك انت... فينك من زمان... بقالك كتير مبتقعدش في الكافيه..انت لاقيت حتة تانية احسن من الكافيه ده و لا ايه
و على فكرة البتاع ده مش شعر... دي مُعَلّقَة معلمية
جميييييييييييل
و بتقولي انك ما بتكتبيش شعر هههههههههههههه
يمنى
صباح الخير
زيارتك اللي فاتت كان فيها احداث كئيبة، وموت وكده
المرة دي الموضوع اللي اتكتب زي موضوعك
اسمه الفرخة باضت
وبرضه فيه حرامي
لالالالالالالالالالا
انا النهاردة مشاريبك كلها ع حسابى
اية يا يمنى الجمال و الحلاوة دى
اعتقد ان الفرخة هيا _مصر_
و الحرامى _......بلاش احسن
و الكتكوت _كيد احنا طبعا
وااااااااااو
جامد جدا جدا جدا يا يمنى
اللى فهمته من القصيدة انك مش هتقدمى سندويتشات بيض فى القهوة تانى
:D
لأن أنا مش معاكى ان الملكية حتى كانت بتاخد بيضة من تحت الفرخة
بالعكس , دى كانت بتحط بيض تحت الفرخة
احنا ماشفناش أيام عز الا أيام الملكية
كفاية ان القاهرة تاخد أجمل مدينة فى العالم مرتين
وكفاية ان انجلترا اللى كانت محتلة ارضنا كانت مديونة لينا
ياااااااااااااااه , الحمد لله على كل شىء
---------
بس بأمانة فكرة روعة أصلا ماتطلعش من مخ أى حد
تقبلى تحياتى
ازيك يا يمني
أخبار القهوه ايه؟
المهم يا يمني انا شايف طلبات جديده بتتقدم في القهوه اهه وده دليل علي التطوير .. اقري بقه شعر كتير عشان الجاي يبقي أحسن
وبالنسبه للفرخه وهي أصل الليله دي كلها ... هي اللي فرطت وفرحت بصاحبها الجديد وطلع انيل من اللي قبله ... ومن الأخر كده مفيش حد فيهم هينفعها
وبعدين أفهم من بوستك ده ان سندوتشات البانيه اتمنعت من القهوه؟؟
انا مالييش دعوه .. لازم تجيبيها تاني
موجة
ميرسيييييييييييييي يا جميل ده من ذوقك
وبرده هقلك ده مش شعر...كنافة شعر ممكن لكن اكيد مش شعر
يوميات عيل مصري
الفرخة عندي اتسرقت و عندك باضت...الموضوع كده بدا يقلقني و بتوع الصحة هيكبسوا علينا...
الموضوع حلو طبعا كالعادة يا استاذ
كفراوي
ايه ده يا باشا...المشاريب على حسابك.. ايه ده كله ايه ده كله....طيب انا عاوزة شاي بالنعناع بس يكون ليبتون بفتلة احسنلك
وميرسي يا باشا على الكلام بتاعك ده... نردهالك في الافراح
كاسبر
واااااااااااو كاسبر باشا عندنا... فينك يا عم من زمان...زرتنا مرة وبعدين قلت عدولي...عشان تعرف بس ان المعلم مش بينسى زباينه...بس تعمل ايه في الزباين دول بقى... يلا عشان الواحد ميضيعش فرحته برجوعهم
منور يا باشا وطبعا كلامك على عيني وراسي وعندك حق في كل كلمة قلتها... بس مين بقى اللي يسمع... يلا ربنا يهديهم كلهم
محمود فرج
منور يا باشا... انا الحمد لله تمام والكافيه شغااااال والمعلم بيسلم عليك
اما بقى ساندويتشات البانيه فعييييييب يا معلم... لست انا هذا الرجل... البانيه ده حياتي لو ماكلتوش ممكن اموت يبقى ازاي امنعه من الكافيه
إرسال تعليق