النهاردة مفيش سياسة...مفيش تحليلات و نظريات مؤامرة زي ما واحد اعرفه سماها...و لا كمان في كلام عن الدين عشان عم احمد ميزعلش...النهاردة انا فرحانة جدا جدا جدا...متخلوش مخكوا يروح لبعيد...انا مليش في المواضيع دي خاااالص...شيلوا من دماغكوا الموضوع ده....
انا فرحانة النهاردة عشان بكرة الرؤية و بعد بعد بكرة رمضان حسب النتيجة....و طبعا احنا طول عمرنا ماشيين على النتيجة و مش بنلخطبها خالص. انا بحب رمضان جدا جدا جدا....مش عشان ده شهر مبارك و بنصوم فيه و الروحانيات و الحوارات الفكسانة دي....هو طبعا عشان الحاجات دي كلها بس ده مش السبب الوحيد لحبي لرمضان...اصلنا ممكن نصوم اي يوم في السنة و نقرا قران و نصلي في الجامع مش هي دي القضية خالص...و بعدين رمضان مش جو روحانيات خالص ولو معترض انزل اركب المواصلات العامة او حتى اركب عربيتك من بعد 2 الضهر كده و انت هتشوف بنفسك جو الروحانيات عامل ازاى...الواحد تشوفه بيخانق دبان وشه و يقلك اصلي صايم...قال يعني هو لوحده اللي صايم و باقي الناس في الشارع بتاكل و تذله...يا عم دي الناس في الشهر ده بالذات بتتخانق مع بعض و مبطقش بعض خالص...اركب المترو كده على 3 العصر هتلاقي واحد محترم ماسك قران و عمال يقرا فيه و تقول عليه لسه خارج من الصلاة و بس مجرد ما واحد يزقه و هو بيعدي...بس يزقه...و عينك ماتشوف الا النور...المصحف بيختفي تماما و مابتشوفش او مابتسمعش غير كل خير...ده لو شفت او سمعت حاجة اصلا و ملاقتش نفسك طرف في الخناقة غصب عنك و في الاخر تلاقي واحد تطوع عشان يفض الخناقة و قام قايله بقين كمان حامضانين كده و تفضل على الحالة دي حوالى محطتين تلاتة...مش اكتر من كده عشان هتلاقيهم في الاخر بيقولوا احنا في رمضان و المسامح كريم.
المهم...مقلتش بقى انا فرحانة و بحب رمضان ليه....بحبه عشان الفانوس و الكنافة و القطايف و الزينة و اغاني رمضان كلها اللي مشغلاها من اسبوع او اكتر في البيت لحد ما زهقوا منى و جالهم احساس ان العيد قرب خلاص....و العزومات....اييييييييييييوة العزومات دي...حط تحتها ميت خط...مفيش احلى من اكل رمضان و عزومات رمضان....تقريبا الواحد بيستنى الشهر ده من السنة للسنة عشان يعرف ياكل...اصل لو مامة حضرتك بتشتغل زى مامتى كده اكيد عارف ايه هو الغدا...مفيش غير المقرر...المكرونة و البانيه.....و لما طلعت حكاية انفلونزا الفراخ دخلنا في حوار جديد جدا و هو مكرونة و كفتة......و لو معترض روح اشتكي في مجلس الامن...او الكلمة الشهيرة "اللي عاوز حاجة يعملها بنفسه"....و طبعا لان مفيش وقت عند مامتك انها تعمل غدا اصلا فطبعا استحالة استحااالة تفكر في موضوع الشوربة و السلطة ده خالص....عاوز سلطة يا حبيبي عندك الخضار في التلاجة كل اللي انت عاوزه..... انما في رمضان بقى....حضرتك صايم و طنط بترجع من الشغل بدري و بتفنن بقى في المطبخ...اشي صوانى و اشي محمر و اشي محشي و طبعا لازم الشوربة و السلطة و الاكل ده لازم يكون اكتر من صنف اصل الدنيا رمضان و الواحد بيشقى طول النهار فلازم يتغذى برده....انا بقى مليش في حوارات الاكل دي اوى....بس تقدروا تقولوا ان رمضان بيكون الشهر الوحيد اللي بشبع فيه ادمانى من الشوربة...نمنمنمنمنمنم شوووووربة.....احلى اختراع في الدنيا....و يا سلام على شوربة الخضار....لان كل اللي بيتنا مسميها شوربة عيانين فنادرا لما تلاقيها موجودة عندنا....انا فاكرة بجد و الله انى اخر مرة شربتها كانت في رمضان اللي فات...مش بقلكم...رمضان ده الشهر اللي الواحد بيبر فيه نفسه. و يا سلام على العزومات بتاعة اول يوم....كان مقرر عندنا اننا نروح عند جدو اول يوم رمضان و نفطر الفطار المقدس....عمره ما يتغير ابدا....بط و كشك و صلصة و ملوخية عشانى لانى مبحبش الكشك ده خالص و طبعا طبعا شوربة و سلطة....مع انى مليش في الاكل كتير و خصوصا بتاع العزومات ده لكن جو العزومة نفسها و الزحمة و انك تبقى قاعد مستني المدفع و عينك هتطلع على الاكل اللي قدامك اللي بيبقى ريحته تحفة و خلاص هتضرب التلفزيون بأي مدفع عشان يحن على حضرتك و يأدن المغرب و الناس كتير حواليك.....يا سلاااااااام....بجد حاجة عمرك ما هتعوضها..... هو ده رمضان اللي انا بحبه....هو ده اللي بستناه من السنة للسنة....رمضان عمره ماكان شهر عادي زي أي شهر...رمضان ده حاجة كده ملهاش وصف....طبعا انا مقصدش بكلامي ده قبل الفطار خالص...انا بتكلم على بعد الفطار طبعا....و حتى كمان قبل الفطار بس لما تكون في بيت مش في الشارع....لما تدي السلطة لرجالة البيت عشان يعملوها و تبقى واثق انك هتلاقي سلطة على الفطار لانهم مش هيقدروا يتسلوا عليها و هما بيعلموها...و هما يتلموا عليها كأنهم بيعملوا عملية جراجية و يوزعوا عليهم المهام و لا اكبر جراح...انت عليك الخيار و انت الطماطم و انت البصل و انت مش عارف ايه...و طبعا ساعة الاكل يذلوك انك بتاكل الاكل اللي هما عاملينه ...و الستات يقفوا في المطبخ يتريقوا على الفالحين الي بره اللي فاكرين نفسهم هيحرروا القدس و ملخومين في شوية سلطة مش عارفين يعلموها عدل....و العيال اللي عمالين يجروا في كل حتة و عاملين دوشة عشان جعانين و عاوزين ياكلوا و ياخدوا القطايف يحشوها و ياكلوا نص الحشو و هما بيلعبوا بيه....و الستات الكبار اللي كل شوية يدخلوا المطبخ يشرفوا على العملية الطبخية و يشوفوا الامن مستتب و لا لا و طبعا مفيش مانع من كام كلمة كده على الماشي لمراتات ولادهم يكسروا فيها مجاديفهم.... حاجة عمرك ماهتلاقيها في اي وقت تاني غير في رمضان....و ياريت بقى بلاش حد يطلع كده و يقوللي رمضان بنحس بيه بشعور الفقرا و الصوم ليه حكمة والحوارات دي...اصلي انا عارفة الكلام ده و بحس بشعور الفقرا طول السنة لما ملاقيش غير علبة تونة على الغدا لان المواصلات كانت صعبة اوى يا حبيبتي النهاردة و مفيش وقت اطبخ...او انا تعبانة يا ولاد و مقدرتش اروح السوق فاستحملوا النهاردة...قال يعني بنستحمل يوم واحد...ماعلينا...اديني اهه بحس بمعاناة الفقرا طول السنة فسيبونا نفتري بقى شوية في رمضان..مجتش من شهر
و كل سنة و انتوا طيبين و رمضان كريييييييييييم
انا فرحانة النهاردة عشان بكرة الرؤية و بعد بعد بكرة رمضان حسب النتيجة....و طبعا احنا طول عمرنا ماشيين على النتيجة و مش بنلخطبها خالص. انا بحب رمضان جدا جدا جدا....مش عشان ده شهر مبارك و بنصوم فيه و الروحانيات و الحوارات الفكسانة دي....هو طبعا عشان الحاجات دي كلها بس ده مش السبب الوحيد لحبي لرمضان...اصلنا ممكن نصوم اي يوم في السنة و نقرا قران و نصلي في الجامع مش هي دي القضية خالص...و بعدين رمضان مش جو روحانيات خالص ولو معترض انزل اركب المواصلات العامة او حتى اركب عربيتك من بعد 2 الضهر كده و انت هتشوف بنفسك جو الروحانيات عامل ازاى...الواحد تشوفه بيخانق دبان وشه و يقلك اصلي صايم...قال يعني هو لوحده اللي صايم و باقي الناس في الشارع بتاكل و تذله...يا عم دي الناس في الشهر ده بالذات بتتخانق مع بعض و مبطقش بعض خالص...اركب المترو كده على 3 العصر هتلاقي واحد محترم ماسك قران و عمال يقرا فيه و تقول عليه لسه خارج من الصلاة و بس مجرد ما واحد يزقه و هو بيعدي...بس يزقه...و عينك ماتشوف الا النور...المصحف بيختفي تماما و مابتشوفش او مابتسمعش غير كل خير...ده لو شفت او سمعت حاجة اصلا و ملاقتش نفسك طرف في الخناقة غصب عنك و في الاخر تلاقي واحد تطوع عشان يفض الخناقة و قام قايله بقين كمان حامضانين كده و تفضل على الحالة دي حوالى محطتين تلاتة...مش اكتر من كده عشان هتلاقيهم في الاخر بيقولوا احنا في رمضان و المسامح كريم.
المهم...مقلتش بقى انا فرحانة و بحب رمضان ليه....بحبه عشان الفانوس و الكنافة و القطايف و الزينة و اغاني رمضان كلها اللي مشغلاها من اسبوع او اكتر في البيت لحد ما زهقوا منى و جالهم احساس ان العيد قرب خلاص....و العزومات....اييييييييييييوة العزومات دي...حط تحتها ميت خط...مفيش احلى من اكل رمضان و عزومات رمضان....تقريبا الواحد بيستنى الشهر ده من السنة للسنة عشان يعرف ياكل...اصل لو مامة حضرتك بتشتغل زى مامتى كده اكيد عارف ايه هو الغدا...مفيش غير المقرر...المكرونة و البانيه.....و لما طلعت حكاية انفلونزا الفراخ دخلنا في حوار جديد جدا و هو مكرونة و كفتة......و لو معترض روح اشتكي في مجلس الامن...او الكلمة الشهيرة "اللي عاوز حاجة يعملها بنفسه"....و طبعا لان مفيش وقت عند مامتك انها تعمل غدا اصلا فطبعا استحالة استحااالة تفكر في موضوع الشوربة و السلطة ده خالص....عاوز سلطة يا حبيبي عندك الخضار في التلاجة كل اللي انت عاوزه..... انما في رمضان بقى....حضرتك صايم و طنط بترجع من الشغل بدري و بتفنن بقى في المطبخ...اشي صوانى و اشي محمر و اشي محشي و طبعا لازم الشوربة و السلطة و الاكل ده لازم يكون اكتر من صنف اصل الدنيا رمضان و الواحد بيشقى طول النهار فلازم يتغذى برده....انا بقى مليش في حوارات الاكل دي اوى....بس تقدروا تقولوا ان رمضان بيكون الشهر الوحيد اللي بشبع فيه ادمانى من الشوربة...نمنمنمنمنمنم شوووووربة.....احلى اختراع في الدنيا....و يا سلام على شوربة الخضار....لان كل اللي بيتنا مسميها شوربة عيانين فنادرا لما تلاقيها موجودة عندنا....انا فاكرة بجد و الله انى اخر مرة شربتها كانت في رمضان اللي فات...مش بقلكم...رمضان ده الشهر اللي الواحد بيبر فيه نفسه. و يا سلام على العزومات بتاعة اول يوم....كان مقرر عندنا اننا نروح عند جدو اول يوم رمضان و نفطر الفطار المقدس....عمره ما يتغير ابدا....بط و كشك و صلصة و ملوخية عشانى لانى مبحبش الكشك ده خالص و طبعا طبعا شوربة و سلطة....مع انى مليش في الاكل كتير و خصوصا بتاع العزومات ده لكن جو العزومة نفسها و الزحمة و انك تبقى قاعد مستني المدفع و عينك هتطلع على الاكل اللي قدامك اللي بيبقى ريحته تحفة و خلاص هتضرب التلفزيون بأي مدفع عشان يحن على حضرتك و يأدن المغرب و الناس كتير حواليك.....يا سلاااااااام....بجد حاجة عمرك ما هتعوضها..... هو ده رمضان اللي انا بحبه....هو ده اللي بستناه من السنة للسنة....رمضان عمره ماكان شهر عادي زي أي شهر...رمضان ده حاجة كده ملهاش وصف....طبعا انا مقصدش بكلامي ده قبل الفطار خالص...انا بتكلم على بعد الفطار طبعا....و حتى كمان قبل الفطار بس لما تكون في بيت مش في الشارع....لما تدي السلطة لرجالة البيت عشان يعملوها و تبقى واثق انك هتلاقي سلطة على الفطار لانهم مش هيقدروا يتسلوا عليها و هما بيعلموها...و هما يتلموا عليها كأنهم بيعملوا عملية جراجية و يوزعوا عليهم المهام و لا اكبر جراح...انت عليك الخيار و انت الطماطم و انت البصل و انت مش عارف ايه...و طبعا ساعة الاكل يذلوك انك بتاكل الاكل اللي هما عاملينه ...و الستات يقفوا في المطبخ يتريقوا على الفالحين الي بره اللي فاكرين نفسهم هيحرروا القدس و ملخومين في شوية سلطة مش عارفين يعلموها عدل....و العيال اللي عمالين يجروا في كل حتة و عاملين دوشة عشان جعانين و عاوزين ياكلوا و ياخدوا القطايف يحشوها و ياكلوا نص الحشو و هما بيلعبوا بيه....و الستات الكبار اللي كل شوية يدخلوا المطبخ يشرفوا على العملية الطبخية و يشوفوا الامن مستتب و لا لا و طبعا مفيش مانع من كام كلمة كده على الماشي لمراتات ولادهم يكسروا فيها مجاديفهم.... حاجة عمرك ماهتلاقيها في اي وقت تاني غير في رمضان....و ياريت بقى بلاش حد يطلع كده و يقوللي رمضان بنحس بيه بشعور الفقرا و الصوم ليه حكمة والحوارات دي...اصلي انا عارفة الكلام ده و بحس بشعور الفقرا طول السنة لما ملاقيش غير علبة تونة على الغدا لان المواصلات كانت صعبة اوى يا حبيبتي النهاردة و مفيش وقت اطبخ...او انا تعبانة يا ولاد و مقدرتش اروح السوق فاستحملوا النهاردة...قال يعني بنستحمل يوم واحد...ماعلينا...اديني اهه بحس بمعاناة الفقرا طول السنة فسيبونا نفتري بقى شوية في رمضان..مجتش من شهر
و كل سنة و انتوا طيبين و رمضان كريييييييييييم
هناك ١٨ تعليقًا:
تهيييس تهيييس يعني
ايه يا بنتي.....انتي عندك كبت ولا ايه
انا ابتديت اقلق كده
دي كلها كتابة
لا لا لا ..... داحنا لازم نستغل الكبت اللي جواكي ده في حاجة مفيدة
إتقلي عليا
:p
يتضاعف إستهلاك مصر من المواد الغذائية أكثر من ست مرات خلال شهر رمضان!
أنا عرفت دلوقت بس إن الكلام ده صحيح! علشان لو رمضان في ألف بيت مصري زي ما هو كده في بيتكم يبقى أكيد لازم الإستهلاك يتضاعف!
بتبقي قاعدة قدام الأكل ومش قادرة تمسكي نفسك من ريحته؛ شيئ عظيم والله!
فعلا، blog هايل يا موني، يدل على مدى إرتباط العادات المصرية المتخلفة والغير صحية بالشهر الكريم! وعلى رأيك، مجتش من شهر..
على فكرة، ماسمعتش ردك على انتقادي ليكي على اللي كتبتيه في تعليقك على blog الديب. منتظر الرد...
و الله يا محمد البوست مكنش هيبقى له طعم من غير تريقتك
ميرسي جدا على التريقة
بجد مش عارفة من غيرها كنت هعمل ايه
يمكن كنت هفضل متفائلة و فاكرة انى بقول حاجة كويسة...بس كويس انك بتفوقني
اصل ازاى اقول برده انه مبقدرش امسك نفسي من ريحة الاكل...مليش حق
ميرسي كمان مرة
السلام عليكم
اولا انا تعرفت عليكي من خلال ردك عند مدونة الديب
اسمحيلي أبدي اعجابي بكلامك
وبصراحة انا لم أرى أي تريقة في تعليقاتك عندو
لكن الظاهر هو لا يحب سماع الرأي الآخر
تانيا كلامك فيه خفة دم معهودة عند المصريين عادة :)
أسعدني التعرف عليك كثيرا
تحياتي
ميرسي جدا يا شهيدة على كلامك..و طبعا مبسوطة جدا ان فيه ناس عندها عقل و بتفكر و مش ماشية مع القطيع و بتقول امين و خلاص...هو فعلا هو و صاحبه مش حابين ابدا يسمعوا للراي الاخر و قال بيقولوا انهم متحضرين لكن ساعة الجد كل المستخبي بيبان
مع انى ندمت انى زرت المدونة دي اصلا لكن بجد فرحانة انى طلعت بيكي منها...بجد دي احلى حاجة في المدونة الغريبة دي
ابقى زورينا كتير بقى و مطوليش الغيبة
موني العزيزة
بصراحة انا كنت أريد التعليق على البوست السابق لكن قلت أنه ربما لن تقرايه أو لن تعرفي بوجوده، فقررت ان اعلق عليه هنا... ده من بعد اذنك يعني
شوفي ياستي... ومن غير لف ودوران انا بجد عجبني كلامك أوي
بجد فرحت لاني لأول مرة ألاقي شخص بيفكر بالطريقة دي
ومع اني بكره وانت بتكرهي التصنيف ده، لكن بصراحة انا "شيعية" يمكن حيقول الناس انها بتمدح بكلام موني عشان ما بتهاجمش الشيعة زي غيرها
ده مش صحيح لكن انا بجد بفرح جدا لما بعرف ان لسة في انصاف في الدنيا وان في ناس فاهمة المواضيع صح، وما بتجريش ورا موضة التكفير الغبية
وانا أشاركك في دعوتك الى ان لا نفسم انفسنا الى فرق. بل ان نتمسك باسلاميتنا فقط لا غير
اعتز بأن يكون بيننا حوارات اخرى يا أختى العزيزة
تحياتي ووفقك الله
شهيدة الجميلة
انتى كده بقيتي صاحبة بيت..او يعني صاحبة مدونة ...يعني تعلقي في اي حتة انتى عاوزاها...و انا لازم اقراها طبعا
بجد انا مبسوطة بيكي لانك باين عليكي حد كويس ماشاءالله و كمان لبنانية يعني من عند ريحة الحبايب ...بجد انتى كده منورة...و زي ماقلتلك البيت خلاص بقى بيتك ادخلى على طول من غير استئذان
انتى بجد مثال للي كنت عمالة اقوله لكن صحابك اياهم مش قادرين يصدقوه...مش معنى ان الواحد يبقى شيعي انه يبقى عدو لينا...بالعكس بقى انا شايفة ان فيه شيعة كتير ضفرهم برقبة سنة زي مابنقول في مصر
و زي ما انتى موجودة في غيرك كتير برده من الشيعة المعتدلين...ايه ده شيعة شيعة انا كل شوية بقلها كده ليه...احنا اتفقنا خلاص ان مفيش الموضوع ده...احنا مسلمين
و بما اننا مسلمين بقى خلاص مفيش لازمة اتكلم اكتر من كده
و على فكرة طبعا انا فرحانة جدا انى لاقيت حد يشاركني رأيي المتواضع ده
و انا كمان اعتز ان يكون بينا حوارات تانية..و على فكرة المدونات بتاعتك جامدة جدا و مش هسيب كلمة واحدة فيهم الا لما اقراها..
و كل سنة و انتى طيبة....رمضان كريم
ربنا يخليكوا لبعض
كفاية بقى لحسن هعيط
لا بجد موضوع يجوع ايه يا بنتي الكبت العاطفي الي انتي عايشه فيه ده. ده ممكن كده والله اعلم يعني تقريبا لو حد عزمك في مطعم بيتزا ولا حاجه تفترسي بوفيه السلطه كله لوحدك من كتر الكبت يا نهار ابيض معلش معلش.
نداء عاجل الي كل الامهات العاملات اعملوا شوررررررررربه وسلاطاطه لولدكم بسرعه الحاله بقت حرجه جدا يا تلحقوهم يا متلحقوهمش.
اللهم بلغت اللهم فشهد.
و انا من موقعي هذا اضم صوتي لصوت
real man
و احب اقول لماماهتنا الحبيبة اتوصوابالشوربة و السلطات شوية و النبي
و نهيب بالسادة الامهات سرعة الاستجابة لهذا الطلب قبل الفاس ماتقع في الراس و نوصل لمرحلة اللاعودة
بلاش موضوع اللاعوده ده وحياتك احسن بيفكرني بحق العوده بتاع فلسطين وصراع العوده او اللاعوده خلينا في الشربه ارحم.
وبدل الموضوع ما بقي حرج جدا كده متعملي انتي الشربه وتريحي جميع افراد الاسره ولا الانسه ملهاش في المطبخ ولا ايه النظام.ههههههههه
ايه ده ايه ده
ما احنا كنا اصحاب...لازم تخبط في الحلل يعني...هي طنط مامتك و عمو باباك مستغنيين عنك و لا ايه
شوربة ايه اللي اعملها بنفسي...هو انا فاضية...دي مش حجة و الله انا فعلا مش بكون فاضية كتير و بصراحة حتى لما بكون فاضية بكسل اعمل شوربة...يحمدوا ربنا ان بطبخ و بعمل رز كماااااااااااان عاوزين شوربة
دول كده يدلعوا اوى و ياخدوا عليا...لالالالالا انا محبش الدلع ده خالص
ايه يا بنتي بالراحه شويه اعصابك انتي مافيش حد خالص عايزك ولا ايه.
بابا الحج رمي طوبتي من زمااااااااان
وماما الله يكرمها بتعملي الشوربه وتسيبهالي في المطبخ.
شكلي كده والله اعلم جيت علي الوتر الحساس وشكلك يا منمن الموضوع اكبر من المشغوليات العظيمه بتاعت سيادتك انتي مش بتعرفي تعملي شوربه يا لينااااااااااااااااااااااا
يبقى هما كده فعلا مستغنيين عنك...طيب بقى مفيش غير انك تدوق طبيخي عشان نستريح منك...قصدي يعني تشوف طبيخي و شوربتي عاملة ازاى
بس ابقى أمن على نفسك نفسك قبلها و وودع الحاج و الحاجة و قوللي انت زهقان من حياتك امتى و انا ابعتلك طبق شوربة و نخلص
قال معرفش اطبخ قال
في العشره الاواخر علشان ناخد ثواب الشهاده مضاعف.
ههههههههههه
محدش قالك ان ترويع ( تهديد ) المسلم لاخيه المسلم حرام.
ادوق طبيخك يا نهار مش فايت هما مستغنيين عني بس مش اوي كده.
مفيش حاجة غير الله اكرم يعسل
والله انا بكتب التعليق الصبح بدري واخوية نايم جنبي وانا زي الاهبل اقري واضحك وخايف اصحيه بس والله مش قادر امسك نفسي من اسلوبك .
اسلوبك فيه روح تجسيد للتعبير والي انتي عايزاه بتعبري بية وتوصليه للقارئ بالظبط وكمان بكل بساطة
بس خلي بالك من الغلطات الاملائية "" دي حاجة بيني وبينك اكتميها يعني ""
وربنا يتقبل منا الصيام مع انها جت متاخره
ايه النفسنه دي.. كل ده عشان مامتك بتشتغل
هو توبيك يجوع صحيح
بس عرضك فيه متميز
وانا من هنا وفي أخر يوم في رمضان
بقول لرمضان
وداعا رمضان ويارب السنه الجايه تييجي ونكون فيها أحسن
الحقي بقه شوربه وسلطات في العيد لأن التونه جايه جايه
إرسال تعليق